تعااالوا زوروناا

انا لميت عزااالى وكراكيبى وقولت اروح شوية فى براح الورد بريس
مش عاارفة هكمل هنااك ولا هرجع هناا تانى
بس ادينى هجرب
تعااالوا زورونا هنا

ومن الحب....1

الحكااية بدايتها من زماان اوى
من ست الحسن والجمال والشاطر حسن, سنو وايت
وكل الحكايات اللى اتربينا عليهاا
اتربينا على ان الاميرة دايماا مستنية الامير يجى ينقذهاا
وقااعدة وحااطة ايدهاا على خدهاا

ومن اول نظرة,,,تقع فى حب الامير॥ويااخدهاا على حصاانة الابيض
ويعيشوا فى تبات ونبااات
ويخلفوا صبيان وبناات
وتوتة توتة

يعنى مثلاا ابو الاميرة ما اعترضش على ان الامير صاايع ومعندوش شغل
وطول الليل والنهاار راكب الحصاان وعمال يسبل للبنات

ولا قلهااا دا معندوش شقة وانتى كداا هتعيشى مع مامتة فى قصر وااحد ولا حااجة

ولا ابو الامير قااله يا ابنى داا بيضحكوا عليك ومشيلينك كل حااجة فى الجهااز
ولاا قاله... ابو الاميرة داا راجل ماادى وبيدور على الفلوس

ولا حصلت مشكلة... هماا هيجيبوا العفش منين, من دميااط ولا يتعمل عمووولة
ولا نجف ولا ستااير ولا سجااد
و لا الوان الشقة
ولا المطبخ والحلل والصينى
وتبقى مامة الامير قرفاانة من اهل الاميرة عشان عااالم جلدة وجااايبين لبنتهم 5 اطقم حلل بس...

كل المشاكل دى ماا حصلتش بين الاميرة والاميرة
اللى احناا عشناا منتظرين يحصلناا نفس اللى حصلهم
ونعيش فى تبات ونباات

ونيجى سااعة الاتفااقات يحصل صدمة , لان الاميرة متخيلة ان الامير هيقولهاا سمعاا وطاعة
والامير متخيل ان الاميرة هتقولة, عش العصفور يقضيناا

وتبتدى الاميرة, او البنوتة هناا تخاف,.... لا مش دا اللى توقعتة
يبقى هو اكيد هو ماا حبنيش و عاااااااااااااااااااا

وطبعاا الحب هناا طبقاا لمقياااس حكاايات جدتى قبل النوم

ولو ان كل واحد من الطرفين قعد شويه مع نفسة وركز حبتين
هيلاااقى الحل بسيط

اذا كان جوا كل بيت من بيوتنا فى اختلافاات
مع اهلناا او مع اخوااتناا
يعنى دايماا البنت شاايفة ان اخوهاا مقرف فى عاادتة االاكل والشرب
والولد شايف ان اختة تاافه ومورهااش غير المرااية
والطبيعى يبقى فيه اختلافاات بينهم
لان طبيعتهم مختلفة
لكن عشان احنا اسرة واحدة
عاادة الاختلافات ما بتوصلش لخلافات
وبنلاااقى نقطة نتقابل عندهاا
॥ نقطة ... مع ان عيوبة كتير بس اخوياا وبحبه وهو ياما وقف جنبى كتير

ومع ان بنقدر بمنتهى البساطة نوصل لنقطة نتقابل عندهاا

الا اننا فى حيااتنا العاطفية بيبقى الموضوع صعب وكانة مستحيل
مع ان الاسهل اننا نلاقى النقطة دى مع اللى اختاارنا نحبهم

يعنى هو اتربى فى بيئة وانا فى بيئة تاانية خالص
وكل واحد مننا اتعلم بطريقة مختلفة من ناس مختلفين
واتربى برضة بطريقة مختلفة من نااس مختلفين

وعاش وكبر وكون شخصية ليهاا ملامح خااااصة جداا
من المفترض انهاا متكنش موجودة عند اى شخص تاانى

طيب ليه بقى لمااا نيجى ونحااول نبقى كيان واحد بنطلب من الاخر يتنازل عن حته منه... عن جزء من شخصيتة اللى احناا عاوزين نكمل حيااتنا معاه عشاانها؟؟!!

و مع ان الموضوع بسيط جداا
وبيبدأ باختلااافات بسيطة بين الطرفين
الا اننا ماا بنقدرش نسيطر عليها وبتتحول لخلااااف كبير
يشمل الاهل والاصحااب والاقاارب وامة لا اله الا الله

ويا بنوتااات يا جميلااات ياا عاقلااات
الحب مش تسبيل وهناا وكلاام حلو طول الوقت
وحيااة خيالية بعيدة عن ارض الوقع

الحب كل ماا يقرب من ارض الواقع جذورة بتمد لسااابع ارض
ومستحيل اى شوية هوا او ريح يحركووة من مكاانة
او يقلعوة من جذورة

تعالوا نحااول نوصل لنقطة نتقابل عندهاا
نقطة مقيهااش تناازل من حد لحد , نقطة فيهت تفااهم وحب
يبقى حجر الاساس لبيت مبنى على التفااهم والحب

لسه مدخلناش على التقيل, الزوااج
تااابعوناا بعد الفاصل :))

و من الحب ...... الى الزواج

من الحب الى الزواج...وبين الحب والزواج
فى رأى بيقول ... الحب حاجة, والجواز حاجة تانية خالص
رأى تانى ... الحب بعد الزواج , له مدة صاالحية

اما رأى انا...فدا يتوقف عن تعريف كل واحد مناا للحب و الزواج

كنت دايماا اسمع عن العلاقة الزوجية من اغلب المتزوجين انهاا مش حيااة سهله ولازم الواحد ياخد وقتة قبل ماا ياخد الخطوة , والاغرب النصيحة اللى بنسمعهاا طول الوقت من اصحااب الخبرة استمتعوا بحيااتكم اوى فى الخطوبة مش هتلااقوا الكلام داا بعد الزوااج

عاادة بسمع النصيحة دى لماا حد بيتلكم عن الموت, اعمل كل اللى نفسك فيه لانك ماا تعرفش اى يوم هو اخر يوم , يعنى المتزوجين بيشبهوا الحياة الزوجية ...بالموت!!!!
ولماا هما شاايفين نفسهم يقدروا يدوناا نصاايح , ليه مخدوش هماا بيهاا, و ليه اتجوزوا؟؟؟؟؟؟

اوالعجيب والغريب ان لو كل زوجين قضوا فى حل المشاكل اللى بنهم, ودوروا على الغلط فين فى علاقتهم كانت الحيااة بقى لونهااا بمبى انماا التعامل مع الحيااة الزوجية كائنهاا واقع خنيق واتم هو امر وااقع, شر لاابد منه,وغيرر قابل للحل

اما المشااكل , فهى ابسط بكتير اوى من انهاا تخليناا نعيش بااقى حيااتنا وكأنها فى معتقل, طبعاا دا اذا اتفقناا نعمل استثناء لشخصياات الحلزونية وكل واحد منهم بيتعامل مع التانى على انه هندى,او ان السفينة اللى رمتة من المريخ جاااية تاخده قريب


هنتلكم عن شخصياات سوية عندهاا وداان قبل ما يكون عندهاا لساان
وسنعود بعد الفااصل

ريشة روح

كل واحد منا حياته ملياانة اختيارات

واختيارتنا هى اللى بترسم حياتنا

يا اما ترسم لوحة بأجمل الوان

يا اما تبقى زيها زى ملاايين اللوح,الوانهاا باهته وخطوطهاا مش واضحة

اللون الاسود ممكن ترسم بيه سحاابة مليانة حزن ويأس

او ترسم به شعر عروسة صغيرة , شيلاااها بنوتة كلهاا براءة وعيونهاا كلها امل فى بكرة اجمل

مع انه نفس اللون

ومع انه نفس المجهود

لكن الفرق كبير

يا ترى انت تحب ترسم ايه بريشتك والوانك ؟؟

ايه رايك ترسم بايديك فرحة جوا قلب

قلب ام و اب نفسهم يفرحوا اولادهم بدخول رمضان عليهم

تروح وتديهم بايديك شنطة بكل لواازم رمضاان

تفرح قلوبهم

وترسم اجمل فرحة

وايه رايك ترسم بايديك اجمل ضحكة

على وش طفل يتيم

اتعود يقابل رمضان لوحده

تطبطب عليه

وتفطر معااه يوم من رمضاان

وفى نهااية اليوم

تخللى الضحكة تكبر اكتر واكتر

وانت بتديلة باديك لبس المدرسة لسنة جديدة

ترسم مستقبلة

ايه رايك تغير الووان الحيااة

لاب او ام بعد ما تعبوا وكبروا ولاادهم

بيكملوا الباقى من حياتهم فى دار للمسنين

نفسهم ايد تمسح دموعهم

حد يقولهم لا ما اتنستوش

انتم مش لوحدكم

تعالى افطر معااهم يوم فى رمضاان

وغير لون يوم واحد فى حيااتهم

ولونه بلون الفرحة

و ايه رايك تركز الواان الامل فى بكره اجمل

لطفل من اطفال معهد الاورام

تعالى افطر معااه

والعب معاه

وفى اخر اليوم

اديلة بايديك لبس العيد

وعرفوا ان الدنيا مش لون واحد

الدنياا مليان بألوان الفرحة

ايه رايك ترسم بريشتك الفرحة والضحكة والامل والحب معانا

مع روح ....مجموعة من الشباب جمعتنا روح واحدة...روح الثقة فى اننا نقدر نعمل فرق...نقدر نغير

نقدر نرسم ونغير كل الالوان الحزينة اللى حواليناا

نقدر نكون فاعل مش مجرد مفعول به

يا ترى هتمسك ريشتك وتغير معانا الالوان اللى شايفهاا محتااجة تتغير للاحسن ؟

ولا لسه عندك استعداد تضيع وقت فى لوحة الوانهاا باهته وخطوطهاا مش واضحة؟

Roah

facebook

Happily ever after

Happily ever after

جملة سمعتها كتير

اخرهم امبارح فى فيلم

Enchanted

فيلم ظريف

بيحاول يوصل فكرة

ان السعاادة الابدية موجودة

ونقدر نحققها فى عالمنا

مش بس نسمعهاا فى الحكاايات الخيالية

وبعد ما خلص الفيلم قعدت افكر

احناا كدا كدا عاايشين ايامنا

وقابلنا وبيقابلنا وياااما هيقابلناا

وفى نفس الوقت ايامناا بتمر بسرعة جدا

اللى بيعدى ما بيرجعش

وافتكرت الوقت اللى ضاع فى بعدى عن ربناا سبحانة وتعالى

فى زعلى من حد

فى احبااطى ويأسى لماا اقابل مشكلة كبيرة

اكتشفت حااجة ظريفة جداا

ان نفس المجهود االلى بذلتة فى بعدى وحزنى ويأسى

ممكن بمنتهى البساطة استخدمة فى انى ما اضيعش يوم من غير قيمة

يعنى اقدر اعمل لنفسى خطة

امشى عليهاا

وكل ما الاقى حااجة هتضيعى وقتى من غير ماا اكون سعيدة

ابتدى احطلهاا بند فى الخطة

خطة

Happily ever after

ودى اول 3 بنود

اقرب من ربناا سبحاانة وتعالى اكتر

اثبتلة انا بحبه اد ايه

وان حبى ليه مش مجرد كلاام

لا انا بحبة بجد

وهعمل كل حااجة ترضية

احاول افهم غيرى

مش لازم كل الناس تتعامل باسلوبى او تشوف الدنيا بطريقتى

هحاول بجد اتقبل غيرى

واللى انا شايفااه سىء جداا من وجهة نظرى

ممكن يكون شىء فى منتهى الجمال فى عيون غيرى

الوقت اللى هضيعة فى زعل وعتااب

احسن استغلة فى فرحة وقرب وضحكة حلوة من القلب للقلب

اما البند الثالث

مشاكلى واحزانى

بكون شايفااها اخر حلقة بالنسبة لحياتى

ومع ذلك

مفيش مرة الصبح مجااش بعدهاا

ولاا الشمس غابت

وكله بيعدى

وبكتشف ان اللى كنت شاايفاه كاارثة

طلع نعمة ربناا انعم عليه بيها

بس انا اللى نظرى قصير

ومداه ياااااادوب تحت رجلية

وان محصلش استفاادة من الازمة دى بطريقة مبااشرة

بتكون اعداد ليه من رب العالمين لاختبار اكبر

بعد ما كل دا دار فى مخى

يبقى ايه صعوبة الرضا والفرحة؟

دى بنود خطتى لحد دلوقتى

فى بنود هتتعدل

وبنود هزودهاا

لسه مش عاارفة

الخطة حاليا خااضعة للتجربة العملية

احاسيس مكركبة

اليومين دول عاايشة حالة من الكركبة جوااايا

نفسى كدااا تاخدنى الهمة

واقوم واشمرر

وارتب الكركبة دى

كركبة واصلة لحد انى مش عارفة ايه الحاجات المكركبة دى

حاجة فوق حااجة

وحااجة تحت حاجة

وحااجة بين حااجة

و من كل حاجة باين حتة صغيرة

نفسى اجيب اولهاا واخرهاا

واعرف هى عباارة عن ايه

واحطهاا فى مكاانها

ولو انى عاارفة ان حاجات كتير من الكركية دى

مصيرهاا الى النفى فى سلة مهملاات عقلى

أماكن

بابا ..مش احنا هنشوى درة

ايوة

طيب والبطاطا؟

ماشى يا ستى,والبطاطا كماان,بس على شرط ما تقربيش من الترعة وتلعبى جوا فى الارض بس

حاضر

………..

طيب هروح عند ستى حسيبة واجيب لماما جوافة من الحمرا

لماما برضة ؟ ربنا يسهل لما نوصل هنشوف

………..

يالا يا بابا,عشااان خااطرى غنيهالى يالا

وهتناامى على طول؟

حاضر

ميادة رابة البيت,تصب الخل فى الزيت ,ولها عشر دجاجة,وديك حسن الصوت

………..

قراااااقيش,قراااااااقيش,يالا اصحى

انا عملت الفطار,قومى بقى اعملى لينا قدحين شاى من اللى وصى عليهم حسان اليمانى

طيب يا بابا 5 دقايق بس وهقوم,تصبح على خير بقى

………..

كل حرف من السطور دى,مكنتش عارفة هيكون ايه قبل ما اكتبة

فى كلام ضحكت وانا بكتبة لانى ما افتكرتوش من وقت طويل

البطاطا والذرة كان جزء لا يتجزأ من زيارتى الاسبوعية للغيط مع بابا

الغيط,ارض متحوطة بفروع العنب

ومتقسمة لحتة عريضة فى الاول,اسمها المشاية,اللى بنقعد ونلعب فيها

وباقى الارض حارات صغيرة

بيفصلها عن بعض فروع العنب,اللى مجدولة على بعضها وبينها سلك رفيع,عشان تكون فى الاخر سور صغير من فروع العنب

وادام الارض الترعة الصغيرة

اللى كانوا بيقولوا لنا واحنا صغيرنا فى جنية بتطلع منها تخطف اللى يقرب ليها

كنا بنعمل على المشاية كمرة نار

شوية حطب وعود كبريت

ويحط عليهم بابا براد الشاى

واول ما يصب الشاى

يطفى النار

ونحط جوا الحطب وهو لسه سخن الذرة والبطاطا

على اد ما شربت شاى

وعلى اد ما اكلت الذرة والبطاطا

عمر ما كان ليهم الطعم دا

طعم نقى اوى

فيهوش طعم الكهربا والغاز

فيه طعم الطبيعة والارض

ستى حسيبة,الست العجوزة اللى ارضها ادام ارضنا,كان بينا وبينها الترعة,وكنا بنعدى الترعة على معدية عبارة عن شجرتين و بينهما خشب عليه حطب وقش

كانت ست طيوبة جدااااا

وكان عندها شجر جوافة

بس مش اى جوافة

الجوافة من جواها لونها احمر

كل الاطفال فى سنى كنا بنعدى عليهاا وتديلناا كتير

وما افتكرش عمرها قالت لحد لا

ومع انها ما تقربش لاى حد اعرفة

الا اننا كنا بنقولها يا ستى

لسه فاكره تفاصيلهاا وقسمات وشهاا المليان طيبة وحب

أغنيتى الحبيبة اللى كان فيها اسمى

ميادة رابة البيت

واللى فضلت لحد اولى ثانوى فاكرة ان بابا اللى مألفهالى

وفى الاخر اكتشفت انها قصيدة من الشعر الجاهلى

بس بابا غير الاسم

قراقيش,محدش قالة غير بابا

واكتر اسم حبيتة فى حياتى

أما قدحين الشاى

فكنتش اعرف يعنى ايه كلمة قدح اصلا

بس بقى انهم حاجتين,وجنبهم شاى يبقى عادة كوبيتين

ذكريات بفتقدها

وبحاف جداا افقدها

بخاف اتوة عن مكانها جوايا

اخاف تكون زى الاماكن القديمة اللى بنحس فيها بالراحة والسكينة

بس مع مرور الوقت زحمة حياتنا بتخف الرجل عنها

وحبة حبة ننسى وجودها

ولو فى يوم افتكرنا

ممكن نكون نسينا مكانها

او المكان اتغير

وبقى حوالية اماكن اجدد,اعلى واكبر

وما يبقاش باين المكان من وراها

فى طريقى من المكان دا واليه جوا نفسى

شفت واكتشفت واتعلمت وفقدت وافتدت وكسبت وخسرت

لما بحتاج بداية اجرى عليه ,ابدأها منه

ولو احتجت نهاية,بحط نقطة فى اخر السطر وانا جواه

ولو فى يوم تهت عنه,ابقى تهت عنى

روحى أنت

من لايعرفك لاينساك

أجل هو انت .. أخيراً أعرف أنه أنت

أنت الوجه الغائب الحاضر .. والوجه المتنائى الموصول

أنت نفسى التى طاردتها وطاردتنى

أنت من أعرف قبل أن أعرف ... ومن أعى قبل أن أعى

أنت من أتلاشى وجداً فيه وبقاء

أخيراً أستطيع أن أقولها وأستريح

أخيراً أستطيع أن أضمك إلى نفسى وأضم أشلائى فيك

أخيراً أستطيع أن أتخللك وأغفو مستريحة

أى إحساس بالراحة

أخيراً تفرح أنت فأسعد أنا ... تحزن أنت فأبكى أنا ... تشف أنت فأتلاشى أنا

ترهق أنت فأغفو أنا ... وتحلم أنت فأتمنى أنا

تهيم أنت فأشرد أنا .... وتقلق أنت لأجن أنا... وتتعذب أنت لأتعذب أنا .... وتشتعل أنت فأحترق أنا

أخيراً تشتعل جمرة العذاب المقدسة فى قلبى فتشع طهراً حارقاً يطرد برودة النفس وعتمة القلب وينفسح المكان لك

لم اعد أتعذب أو أفرح إلا بك… ولك… ومن أجلك

أصبحت أحزانى قطعة من جزيرة أحزانك التى تضرب شواطئها أمواج الكون الحى الذى يتنفس

أبحرت سفينتى على ضوء روحك وحط طائرى الوحيد على مشارف نفسك

قالت لك الأشجار والطيور إن من لم يعرفك لم يعرف الحب

وأقول انا إن من لم يعرفك لم يعرف الإنسان

أنت أنبل ما فى الإنسان, أطهر ما فى الإنسان, أعذب ما فى الإنسان, أقوى ما فى الإنسان

ولكنك بالنسبة لى لست كشفاً

فأنا أعرفك قبل أن أوجد... تلاقينا مراراً فى رحاب المجهول وفى عمق غابات الحزن

تلاقينا منذ أول الدنيا... وتعانقت أطيافنا فرحاً ووجداً وشوقاً وتبتلاً

كنت جزءاً منك, ولم أزل جزءاً منك…وسأظل جزءاً منك

أحس معك دائماً بمذاق اليوم الأول فى الجنة, ومذاق اليوم الأول فى الدنيا

بكارة الحياة وبدايات الأشياء

لن أقول أننى أحبك

تبدو الكلمة قليلة ومحدودة وقاصرة ولا تعبر عما فى نفسى

أنت شعاع يعكس الحياة فى نفسى...حلم عزيز هارب وشعاع منسى من الأمس الحنون

أحسك ...أتمثلك...أجسدك ... أهفو إليك...أتداعى إليك حناناً ورغبة .. وأذوب شوقاً ورقة

أرى بدايات الدنيا وسرها فى عينيك... وأسمع تنفس الكون حين تتنفس

لا تحدثنى عن الحلم, أو الواقع,أو الغد

أنت حلمى القديم, وواقعى اليوم, وغدى وفنائى وخلودى معاً

أنت روحى الساجية الساكنة الوحية الممتدة

أحس للمرة الأولى بأنك تنظر إلى بعينى وأننى أنظر إليك بعينيك

أحس اننا تقاربنا... تداخلنا... تمازجنا ... تلاشينا ... سبحنا حتى حافة المجهول... وعبرنا المجهول ولم نزل معاً

أنت لاتذكر أيام الجنة القديمة

أنستك مشاغلك حلمنا القديم... نسيت كيف أكلنا من الشجرة المحرمة وهبطنا على الأرض

هل تذكر البداية الأولى التى كانت قبل هذه البداية

كنت جزءاً من صدرك

كنت ضلعاً من ضلوعك

كنت أرقد فوق قلبك

هذا اللقاء الحميم لم أزل أحسه ..أتنفسه..أعيشه

أم نسيت حلمنا القديم حين لم يكن هناك غيرك

بلا دنيا ولا بشر ولا نساء... ولم يكن هناك غيرى

كنت داخلك ...جزءاً منك

روحى أنت

روح روحى القديم

المبدع

احمد بهجت

صديقتى العزيزة جدا على قلبى

نور محمد

اليكِ

مش لاازم امشى دايماا عالسطر

دايماا بخطط لاى حتة اروحهاا

رحلة

خروجة

غدوة مع اصحاابى

لكن لما تحصل اى حاجة

مش من ضمن الخطة

بحس ان اليوم بااظ

اوقاات تانية

تفوت علية صااحبتى وتقولى يالاا

قومى البسى هنخرج دلوقتى

اتحجج ليها مليووون حجة

تصمم اننا نخرج

وتدلقنى من على السرير

اللى بكون اكيد مأنتخة جواااه

ونخررج

وعلى اد ما بكون ضاااربة بووووز

على اد ما بتكون الخرروجة مالهااش زى

ومش كدا وبس

لما نحب كلناا نبسط حد اوى

نعملة مفجأة

حاجة هو مش مرتب لهااا

ومن كاام يوم

اتعملتلى مفجأة

يمكن اجمل مفجأة فى عمرررى

وكانت اجمل لحظاات فى حيااتى

عشاان كدا قررت

افاجىء نفسى باستمرررار

اعمل لنفسى مفجأة

اخدهاا واخرج فى يوم من البيت

من غير اى هدف

همشى

لحد ما اروح امااكن عمرى ما روحتهاا

اوى يمكن روحتهاا

بس عمرى ما فكرت فيهااا

يمكن ساعتها اقدر اغير لحظاات اكتر فى حياااتى

كماان قررت افاجىء اللى حوالياا

كل ما يكون فى فرصة

حتى لو بكلمة حلوة

بحركة شقية

مش لااازم امشى دايماا على السطررر

من وقت للتانى

هنزل عنه شوية

عشان اغير صفحاات حياتى

شوية أغانى…كتير عجباانى

لو حسيت انك مجروح

هات الروح تسكن فى الروح

كل جراح الدنيا تروح

والافراح يبقاالها مكاان

…….

لو مش هتحلم معاايا

مضطر احلم لنفسى

لكنى فى الحلم حتى

عمرى ما هحلم لنفسى

…….

هو انت مين اللى عمل كدا فيك

مش انت…ولا فى حد غمى عنيك

وبعدين

بعدين

قول ياللى فى المرايا

فهمنى ايه الحكااية

فرحااااان

تعبااان

مرتااح

ندمان

حاجات كتير فى حيااتنا

اتسببت فى حيراتنا

وادينا اهه عايشين

رايحين وجايين

…….

على سهوة

ليه الدنياا بعد ما عشمتناا

وعيشتنا شوية رجعت موتتنا

والدنياا من يوميهاا يا قلبى عودتنا

لما بتدى حاجات

اووووووام تاخد حاجات

…….

ستى يا ستى

بذكر الليالى الطويلة

وانا طفلة بالزماان

قصص الشتاا

يحكلى

صوتك اللى كله امان

…….

بنلف فى دواير

والدنياا تلف بينا

دايما ننتهى لمطرح ما ابتديناا

طيور الفجر تاايهه فى عتمة المدينة

بندور

ندووووووووور

…….

يا قصص من بالك شيلينا

وبقلب الحاضر خلينا

شو بدك بزماان الماضى

نحناا ما خلقنا لمااضيناا

يا زماان بالقصص المنسية

او بالاحلام الوردية

لا تتركنا اسرى امباارح

ولا ننطر بكرة ليلية

…….

الفرصة بنت جميلة

راكبة عجلة ببدال

شعرهاا بيطير ادمهاا

بيدارى علينا جمالهاا

والعاقل لو يلحقهاا

يتغير بيه الحال

الفرصة

لو ننده ما بتسمعشى

اصلها بتسد وداانها

لو راحت ما بترجعشى

دى شقية وليهاا دلالهاا

…….

شكلنى بطعم الافراح

لونى بلون التفااح

وبطعم المانجا

وكماانجا تعزفلى عالجرح ارتااح

يمكن

مشينى على كفوف الراح

نسينى لو حلم وراح

واشمعنى المعنى بيعرفنى

لو باتت فى قلوبنا جراح

يمكن

أسكن بيوت الفرح

يمكن

اسكن بيوت الحزن

لاااا يمكن

ومستحيل يا حزن راح تسكن

قدر الزماان يفهمناا

قدر الزمااان يفهمناااا

اااه

يمكن

If You Just Believe…

من حوالى اربع او خمس سنين

اتفرجت على فيلم كارتون

كااان رائع جدااا

مش فاكره كل حاجة فيه

بس اللى فكراه كويس انه كان بيتكلم عن الايمان

الفيلم هو

The Polar Express

والنهااردة وبعد الوقت الطويل دا

اتفرجت عليه

ورجعتلى نفسى المشااعر

ازاى الأنساان يكون قوى بأيماانه

وأزاى يقدر يشوف اللى غيره صعب يشوفة

اما قصة الفيلم

فهى زى كتير من قصص الافلام الاجنبية

اللى بتدور عن الكريسماااس

وعن الروح اللى لازم تكون فى القلوب وقته

وان لازم كل العيلة تبقى متجمعة مع بعض

ويقربوا من بعض

ويدوا للاطفال امل

ان كل اللى بيتمنوة هيتحقق

وسانتا هيجى الساعه 12

بعربيتة الطايرة

ويحط الهدايا تحت الشجر

اد ايه روح الايام دى عند الغرب بيكون ليها شكل تانى

واد ايه الناس بتنسى كل اللى مزعلهم ويفتكرووا الفرح والحب بس

الغريبة اوووى

ان اغلب ايماانهم بمجرد افكاار

قصص

بعيدة عن الوااقع

والغريب اكتر واكتر

ان ناس تانية فى ايدهاا واقع كله معجزاات

ومع ذلك مالوش نصف التقدير دا

فى ناس

عندهم يوم

اللى يطلب فيه اى حاجة ينولهاا

هدااايا كتييييييييييييييييييييييييييييييييييييييير

نازلة من السماا

مش كدا وبس

ملاااايكة كتيييييير اوى بتنزل وبتحوااطهم

وتبتقى معاهم وجنبهم

يوم كله معجزااات

عرفتم مين الناس دول؟؟

عرفتم ايه اليوم او بمعنى ادق الليلة دى؟؟

الناس هماا احنا

المسلمين

والليلة

هى ليلة القدر

بسم الله الرحمن الرحيم

1. إِنَّا أَنزَلْنَاهُ فِي لَيْلَةِ الْقَدْرِ

2. وَمَا أَدْرَاكَ مَا لَيْلَةُ الْقَدْرِ

3. لَيْلَةُ الْقَدْرِ خَيْرٌ مِّنْ أَلْفِ شَهْرٍ

4. تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

5. سَلَامٌ هِيَ حَتَّى مَطْلَعِ الْفَجْرِ

صدق الله العظيم

تخيلوا لو فى العشر ايام الاخيرة من رمضان

اتجمعت كل عيلة مع بعض

فطروا مع بعض

وصلووا التراويح مع بعض

وبعدين قعدوا مع بعض

كل واحد يتكلم عن نعم ربنا عليه

عن هدايا ربنا سبحاانه وتعالى ليه

وبعدين يقوموا يصلواا

ويقرووا قرأن

ويرجعوا يكملواا

كلام طول الليل

ومش اى ليل

دى ليلة القدر

يتكلمووا اكتر عن ربنا

يحسواا بحبه ليهم

ويفتكروا اخطاائهم

يقووموا يصلوا ويستغفرووا

وفى اخر الليلة دى

نصلى وندعى بكل اللى نفسنا فيه

ندعى وكأننا شايفينة بيتحقق

ندعى من قلوبناا

واحنا مؤمنين

مؤمنين برب العالمين

مؤمنين انه اهدااانا ليلة

تصفى قلوبناا

وتغسل نفوسنا

تخيلوا لو ولادنا يسهرواا معانا فى الليلة دى

ويقروا معانا القرأن الكريم

ويقفوا فى اخر صف يصلوا

ويسمعواا كلامنا عن رب العالمين

ويحسوا بأيمااننا

ولما نخليهم يدعواا بكل اللى نفسهم فيه

حتى لو عروسة

او فستاان جديد

تفتكرواا حياتنا هتكون ازاى بعد الليلة دى؟؟

حياة كلها اقبال على الله

حياة مفيهااش مستحيل لان ربناا معانا

حياة فيها أمل لان قلوبنا ملياانة بالثقة فى الله

حياة ملياانة تفاائل لانى اتعلمت اظن فى الله خير

طيب وحيااة اولادناا؟؟

أطفال هتتعلم من بدرى معنى الايماان

أطفال هيقدروا يحلموا لان ربنا بيحقق احلامهم

أطفال هيقدروا يبدعواا لانهم بيعرفوا يحلموا

احنا مش محتااجين معجزة

احنا محتاجين للايماان..

حذاء الكرامة

اتعرضت وبتتعرض فى تلفزيونات العالم كله حاليا
لقطة بمليون جنية
جورج بوش بيضرب بالجزمة من شاب عرااقى

وما شاء الله
كل ردود الفعل العربية واحدة
الكل فرح وهلل
لان اللى عمله الشاب دا هو اللى كلنا حلمنا نعملة
ندى بوش بالجزمة

وانا واحدة من الناس اللى فرحت وقولت
والله برافو عليك

اه مبسوطة عشان كان نفسى اعمل كدااا
انما الموضوع بدأ يبقى مستفذ جداا

اه نفسناا كلنا نعمل كدا
لكن فى نفس الوقت ما ينفعش ليل ونهار على تلفزيونتناا المحترمة وصحافتناا الموقرة
نتكلم عن الموقف دا وانه اكبر المواقف العربية المشرفة
وانه يعتبر نصر للكل العرب

وتيجى مكالمات على الهوا من كل الناس
يقولوا برااافو
دا بيدى للامريكاان درس ان العرب مش هيسكتووا

واللى يقول داا حذاء الكراامة

واللى يقول والله رفعت راااسناا

واللى يقول نصرة قوية والف سلااامة

دا على اساس ان دى كانت سوبر جزمة مثلاااا دمرنا بيها الاحتلال؟؟؟
ولا كرامة العرب مكنتش محتاااجة اكتر من ضربة جزمة؟؟؟

المفروض حااااليا
نتكسف على دمنااا

ويبقى فيه حبة خشااا

الشاب حاول يضرب بوش بالجزمة
(اللى بالمنااسبة مجتش فيه)
ياترى دا تعويض كافى عن اللى حصل فى العراق؟؟
اللى بيحصل فى سورياا؟؟
اللى بيحصل فى فلسطين؟؟
وكماان فى مصر؟؟

للدرجة دى الخيااابة وصلت بينا اننا نمسك بأيدينا وسننا فى الموقف دا
ونقول العرب اهم؟؟
ولا نعمل مظااهرات ونطلع فى الشوارع ونقول حلوة يا جزمة يا مقمعة؟؟
يا ترى الموقف دا رجع لينا هيبتنا وكرامتناا ادام العالم؟؟
ولما نسااافر اى مكان نكتب على التشريتات بتاعتنا من وراا
احنا اللى ضربنا بوش بالجزمة؟؟

افتكر يا جمااعه المفروض حاليا اننا نعمل ريمكس لاغنية نصرة قوية
وتبقى جزمة قوية والف سلاااامة

روح 2008

اجمل لحظاات عشناها فى روح السنه دى

اسيبكم مع روح
2008

حلم بالدفاا

دخل الشتااا


كتير بحس فيه بالوحشة
جو مغيم
مفيش شمس
هوااا ساقع
بتزيد شدتة كل دقيقة والتانية
احاول اتغطى واتغطى
واتغطى
عشان احساس الدفا يملااانى
لكن دايما بيكون الدفا
مجرد امنية بعيدة عنى
حاجة خيالية
ما بحسهاش الا فى احلامى
لحد ما تبدأ مطرة
مطرة دموع
تهدى العواصف اللى جوايااا
ساعات بيكون المطر غزير
ويستمر ايام
واحيانا لمدة دقايق

لكن بعدهاا بحس بصفاء جوايا
ابتدى انطر السقعه عنى
واجمع كل حتة جوايا جنب التانية
عشان ابتدى احس بدفااا
دفااا من جوايا...مالوش علاقه ببرد جو فصل الشتاا
وبكتشف وقتهااا ان بردى ...برد من نوع خاااص
بردى انا لوحدى
لو فى عز الحر موجود معايا.... جوايا
وفى نفس الوقت انا الوحيدة اللى بقدر احولة
لربيع
لخريف
لصيف
لاى جو

بس المهم

ازاى اجمع الحتت المتنطورة اللى جوايا دى جنب بعض
اجمعها صح
عشان يقدروا يدوينى اللى نفسى فيه؟؟

ساعات بعرف
وكتير ما بعرفش

لكن احياانا بتمر عليه لحظاات و كلمات
بتكون كأنها كلمة سر لتجميع كل الاجزاء دى مع بعض
وتدينى احساس جديد
لفصل جديد
معرفش اسمه ولا امتى بيجى
ولا حتى ايه الاحساس اللى بحسة فيه

يمكن احساس بالكفاااية
احساس انى مش عاوزاة حاجة تانى
لان ما ينفعش ان يبقى فيه حاجة اكتررر
وكل امنياااتى وقتهااا
ان الفصل دا يطووووول ويطووووووووووووووووووول
لاخر يوم فى عمررى

لكن بسرعه وقبل ما الحق استمتع بالجو
بيكون الجو قلب

وبعيش على زكرى احساس بالدفا الحقيقى
يا ترى هحسه تانى امتى؟؟

ولا انا ممكن احسه تانى؟؟

ويفضل حلمى البسيط
بشوية دفااا

عالم غير العالم

احيانا بتحس انك نفسك تهج
تهرب
تبعد
مش مجرد سفر
لا
تبعد عن كل شىء حواليك
عن العالم بتاعك كله

الارض والهوا والحياة دى

لما بيحصلى كداا
بهرب فى كتبى
بقالى كتير ما حسيتش الاحساس دا
لانى كنت مشغولة عن القرااايا
او مكنتش لاقية الجو اللى نفسى فيه داا

لحد ما لاقيت الكتااب والكاتب اللى خدنى معاه فى رحلة برة المكان والزماان

اخد الكتاااب واجرى على اوضتى
اطفى النور
واشغل الاباجورة
واستفرد بالكتاب

ولو الدنيا بتتقلب
او الكرسى اللى انا قاعدة عليه بيتسرق
معتقدش انى هحس بحاجة

الكاتب هو احمد بهجت
دا تانى كتاب اقراه ليه
او كتاب كان
ثانيه واحدة من الحب
كتاب رائع
مجموعه قصص راااائعة

اما تانى كتاب واللى بحكى عنه
هو كتاب
قصص الحيوان فى القرآن

كتاب فريد جداا
اول كتاب اهتم بسرد قصص الحيوانات والطيوار والحشرات اللى تم ذكرها فى القرآن الكريم

عمل فيه دمج رااائع بين القصة فى القرآن الكريم
وبين الحقائق العليمة الحديثة اللى اكتشفت عن الحيوانات
وبين الخيال

نسيج ممتع جدااا
خلانى اقرب للقصة اكتر
وافهم فيهااا حاجات اكتر واكتر
بالاضافة للمعلومات القيمة جداا عن الحيوانات اللى اول مره اعرفهاا

عبقرية الكتاب دا
هو تعبيرة عن عظمة المولى عز وجل
من خلال القصص اللى فيها تحول الجامد لحيوان او طائر
زى قصة ناقة قوم صالح
او حمام سيدنا عيسى
او عصى سيدنا موسى

حسيت اد ايه الانسان دا عنيد وجهول وظلوم
ومع ذلك مسخر ليه الحيوان والجامد
اللى بفطرتة يسبح لرب العالمين

اوقاتى مع الكتاب كانت
بين شكر لربنا سبحانه وتعالى
تأمل اكتر, قرب اكتر من كرمة وحبه وقدرتة عز وجل
وخوف وتفكير
يا ترى انا لو كنت فى غير امة محمد اللهم صلى وسلم عليه
كنت هعمل ايه؟؟

اوقات ضحكت من قلبى
واوقات بكيت

وساعتهااا حمدت ربنا اكتر واكتر

الكتاب حاليا فى طبعته السادسة



وان شاء الله الكتاب القادم واللى هاجى برضة اتكلم عنه
هيكون
انبياء الله
برضة لاحمد بهجت