أختيار

دوام الحال من المحال
بنمر بمواقف
كتير طول حياتناا

احيانا مواقف بتخلينا طايرين
وحاسين اننا اخف من الريشة

ومواقف بتشدناا بمنتهى القوة
للارض

ممكن نطير
وممكن نربط نفسنااا فى الارض
ونبكى على حالنااا

اختيار

فى الحالتين
هنبذل مجهود
عشان نحقق اى حالة من الاتنين

نعيشهاا طايرين ولا مقيدين

اختيار

حروف كلمة أمل
هى نفس حروف كلمة ألم
هتشوفة أمل ولا ألم

اختيار

فرق الهناء
عن العناء
حرف

اختيار

فرق الفرح
عن الجرح
حرف

اختيار

والاختيار ليك وحدك

اقلام رصاص...

اقلامى الرصاص بحبها اوووى
خصوصا لما يكون شكلهاا مزأطط وكلة الوان
وبأستيكة بتنضف كويس

وقلمى على طول موجود
يا اماا فى ايدى بكتب بيه
يا اما على المكتب جمب الاورق
يا اما فى المقلمة

ادامى باستمرار
لدرجة انى احيانا مش بشوفة
وتمر ايام
ما افكرش هو موجود ولا لا
لانه اكيد موجود
هيروح فين...

لكن لما اجى ادور عليه وماعرفش الاقية
بضايق جداا
واقعد افتكر هى الوانة كانت ايه بالزبط
وسااعات كتير ما بفتكرش

ولما اغلب
ومالاقيهوش
انزل اجيب واحد جديد
بس عادة مش بلاقى شكل اللى ضاع
ولو لقيت
بحس برضة انه مش زيه

والنهاردة والقلم موجود ادامى
بفكر يا ترى ضيعت كام واحد عشان ما اهتمتش
او عشان اطمنت انه موجود دايماا

وفكرنى القلم بحاجات كتير حلوة ضاعت
عشان ما اهتمتش
او كنت متخيلة انها موجودة
ومش هتختفى

ولاقيت ان اغلب الحاجات اللى بتختفى
هى الحاجات اللى بنختار ما نشوفهاش

بدور على حاجة...

ايامنا بتمر
كلها شبهه بعضهاا

نفس الروتين من اول ما نصحى ولحد ما ننام

احيانا بحس اننا فى حالة انتظاار
بس مش عارفه انتظار ايه

ويوم ورا يوم فى حالة الانتظاار
تقلب بحالة خموووول
على حالة تقفيل
تقفيل بابانك فى وش كل حاجة واى حاجة
حتى اوضتك تقفلها عليك

اصل ما ينفعش نعيشهاا كداا وخلاص
لازم يكون فى حاجه

وكل شوية بتطلع حاجة
تبقى اهم حاجة
وبعد ما تتحقق

نرجع تانى من غير حاجة

وانا حاليا فى مرحلة البحث عن حاجة
حاجة تخلينى اخرج من البيبان
على رأى منير..

الحب...الاعمى والاخرس والاطرش

ايووووة
دا نوع جديد من الحب
حب اعمى واخر واطرش
معوق من الاخر يعنى

ودا اكتر انواع الحب انتشااار حاليا

تلاقى بنوتة زى القمر
واخلاق وبنت ناس ومتدينة
والمفروض انها عاقلة
ومع ذلك تلاقيهااا رابطة نفسها بعلاااقة معاقة

علاقة بشاب ما ينسبهااش بكل الاشكل
ومش بتكلم من الناحية المادية
بالعكس
لو الانسان فعلا كويس
دا هيعااادل الناحية المادية
ومش هتفرق اصلااا

انماا يكون انسان
من اولها
من فترة الخطوبة
وهو بيظهر اسوء ما عندة
قلة زوق
اهانات
يرمى الدبلة الصبح
ويلبسها بليل
الكلمة الحلوة ملغية تماما من قاموسة
بيعامل اهلهاا اسوء معاملة
ومن اولهاا يقولها اهلك ما يدخلوش فى حاجه

ومع ذلك
توافق انها تفضل مرتبطة بيه
ومش كدا وبس
لا
تقف ادام الكل عشان يتم زواجهاا بيه

ومن اول يوم زواج
اختلافات
خناقات
اهانات
وطبعااا الاهانات اللى كانت قراط قبل الزواج
بقيت 24 بعده

وتيجى تطلب الطلاق قبل ما يمر عليهااا سنه

طيب اللى عاوزاة افهمة
كان فين عقلك؟؟؟

العلاقة بين الزوجين او الخطيبين
مش تسبيل وخروج
وبتحبيبنى يا عوض
بموت فيكى يا ناعسة

العلاقة دى محتااجة تفاااهم
مش معناه اننا مش هنختلف ولا نزعل
لا
بس هنقدر نوصل لحلول
لان فى حوار
وفى اتفاق ضمنى اننا عاوزين حياة وبيت
نرتاح فيهم
سكن
مش كازينو شجرة
وكوبيتن ليمون

اما اللى بتقول لنفسها بكره يتغير
فهيااجى بكره
ويجى بعدة
وتمر سنين
وعمر الطبع ما يتغير

ممكن نتعود على ان حد بيشاركناا حياتنا
ونتعود على طباعه
لكن صعب يتغير من الاسود الابيض
دا انا مكنش مستحيل

عشان كداا
كلمة ليكى يا بنوتة يا جميلة يا متربية يا للى اهلك تعبواا لحد ما كبروكى
ما ترخصيش نفسك
وتستألى بيهااا
لانك غالية
غالية اوووى

نيو لوك للبلوج :D

النهااااردة
ومن ساعة ما صحيت من النوم
وانا مرزوعة ادام الكمبيوتر
عشان اعمل النيو لوك للمدونة

وبما انى مش رئيسة مراجيح مولد ال php
فكنت باخد الاكواد كدا بالشبه

وطبعااا كل شوية تطلع نتيجة تسرع
اقوم اكل شوية ترمس
عشان يصبرونى وارجع تانى

واخيرا وبعد طول انتظااار
خلصت :D

طبعاااا لسه فى تعديلااات كتيرر
بس بالنسبة للنهاااردة كتر خيرى اوى
وكتر خير ضهرى اللى افش منى


هااااااااا هاااااااااااااااا
عملت نيو لوووووك
عملت نيو ووووووووووووووووك
:D

افلاااام الرعب...ليه؟؟

امبارح وعلى غير العادة
قولت انزل فيلم رعب
مع انى ما بفضلش النوع دا من الافلااام

بس قولت اهه تغير
الفيلم اللى نزلتة
بيتصدر البوكس اوفيس الامريكى
فيلم the strangers

واللى شجعنى اختار الفيلم دا بالذات
هو بطلة الفيلم
ليف تيلر
هى البنوتة القمرررر
اللى كانت فى سلسلة مملكة الخواتم
اللى كانت طالعة بدور الجنية

بنوتة ما شاء الله قمرررررررر بجد
تشوفهااا منهااا
تحس انك صندل على طوووووول

المهم نزلت الفيلم
واتفجأت انه متصور من سينمااا

واكتشفت كمان ان من اكتر مواقف الحياة رخااامة
انك تتفرج على فيلم رعب متصور من سينمااا

لان جمهور السينماا ما شاء الله
عندة قدرة توقع غير عاااادية

بمجرد ما موسيقى الفيلم تتغير او تعلى شوية
تلاقى الجمهور كله هااااااااتك يا صواتك

والارخم انك تستنى عشان تترعب
وما يحصلش حاجة

وغير كدا الفليم اساسا خنيييييييييق
3 اشخاااص لابسين اكياس زباله فى دماغهم
وبيجروا ورا الولد والبنت ابطال الفيلم

طيب ما تموتهم وتخلصوااا يعنى
الموضوع كله يخلص فى اول 10 دقايق من الفيلم

انماااا لا
لازم ساعه ونص يسحلوا فى الممثلين
ويبعزقوهم
وفى الاخر برضة هيتقااااتلواا

اللى بقى مش فاهمة
ازاى فى ناس مدمنة على الانواع دى من الافلام
يعنى يطلع عينه عشان ينزل فيلم
وكل دا عشان يترعب وطول الليل يشوف كوبيس
ويحس ان فى عفريت فى الدولاب
او وحش تحت السرير

واحتمااال لو شاف الفيلم قبل النوووم
يصحى الصبح
وفية فضيحة معالمهااا محفورة على مرتبة السرير

طيب ليييييييييه؟؟؟
ليه ناس هوايتها انها تترعب؟؟

دا بصراحة اللى مفهمتوش
فلو حد من هوايين الرعب يجى يشرحلناااا
ايه المزاج فى كداا؟؟

اصعب احساس

اصعب احساس فى الدنيااا
هو احساس اليتيم

احساس الوحدة والضعف
احساس بالبرد من غير دفا اسرة تحبك وتخاف عليك
تقف جنبك
تواسيك فى حزنك
وتشاركك فرحك

احساس بالضعف لانك مش لاقى حد يقف جنبك ويمسك ايدك لو وقعت



كل دى احاسيس الانسان اللى ملوش حد فى الدنياا

كنت متخيلة ان دا اصعب احساس فى الدنياا

لكن لما يكون ليك عيلة واهل وناس
ووجودهم بيحسسك باليتم اكتر واكتر

بتحس بوحدة اكبر مع انهم موجودين حواليك
وبتحس بضعف اكبر لان رغم وجودهم
عارف انك لو احتجتلهم مش هتلاقيهم

احساس انك غير مرغوب فيه
محدش محتاجك
لا فى احزان ولا فى افرح

احساسك انك شخص غير مرأى

دا اصعب بكتيرررر اوووووووووى